Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 59 | година XI | март-април, 2008



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 59март-април, 2008
Поезија

Предвремено будење

/8
стр. 1
Катица Ќулавкова

Предвремено будење
Исповед на дете
Weltangschauung
Мирисот на смрчките
Топла крв
Сакате ли вода?
Вода, о да!
Големата Мајка

_______________________________________________________________________

Предвремено будење

Веќе не се будите во иста соба.
И она што е невидливо не е исто.
И во навиката на будење има измени.
Предметите со кои се поистоветувате
не ви се подеднакво туѓи.
Секој облик бара посебен одлив на свеста.
Гладта за препознавање е отворен процес:
Финеганово бдеење
.

Овошјето од еден обичен плакат
го поместува тлото под душникот
го лизга ровко и несопирливо
и ве пренесува во детството
– небаре тоа е на едниот, а
вие на другиот крај
небаре сте биле еден без друг
вие, кои не сте смееле –

повторно ја доживувате возбудата
на окото и моливот
кога сте цртале гроздови, круши и јаболка
и сте го наслушнале разговорот
меѓу мечтата и раката во којашто
се влевал еросот на иднината.

Детството се враќа на тајна врата
и открива вишок живот, вишок минато:
она од што не можете да се откажете.

И повеќе не се прашувате зошто
стварноста не е доволна за да се сонува
и што е тоа кое не е јаве

а постои!






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+