Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 07 | година II | февруари-март,1999



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 07февруари-март,1999
Поезија

Источна ноќ дрочи

/8
стр. 1
Бранко Цветкоски

Чешма покрај патот
Молитвен веј
Мирна ли ќе биде раката на галовникот
Ана-Јудита
Пладневна молитва
Источна ноќ дрочи
Омај
Saeculum

_______________________________________________________________________

Чешма покрај патот

     Сите ние сме време и
     годините не се тие што
     одминуваат, туку ние…

       Октавио Пас

1.

Бев пратен да извидам
Прогонет и презрен
И прежален
Да се изгубам по патиштата
Во пепелишта да скончам
Како глув пес
Како проголтан вокал да занемам
Да не можам да вратам рев
Во темни локви
Да ме прибере сланата


2.

И навистина ме снема
Под светлиот вршник
нова колиба земна си најде
Мојот дух -
Ме прибра мене некој друг
Ме внесе во небиднината


3.

Сега сум надеж
Никогаш што не пристига
Во пресушен дулец
Гргор што не стивнува
Сенка на сенката од облакот
Што се расточува
Невидлива опашка на Цогито и Сум
Месечина без мена
Без новина и погибел
И море
И мермерна осама
Празен горб што шета
По небесата


4.

И кој знае веќе дали сум
Мугра
Привид
Мисла сторителка
Молскавично што бега:
Сите ние сме време
И годините и исконите
Не се тие што одминуваат
Туку ние
Е ееееееее…


Ова е извадок од:
еКнига




Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+