Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 69 | година XII | ноември-декември, 2009



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 69ноември-декември, 2009
Поезија

Ноќта е најтемна пред разденување

/9
стр. 1
Игор Исаковски

Букурешт 5 ½
Мило сонце
Залегнат врз стихови
Омарнина над планинска вода
Смислата на една ноќ
Добро
TV Screen & Jim Beam
Како да напишеш песна
Нежна песна

_______________________________________________________________________

Букурешт 5 ½

Букурешт во пет –
моите нови чевли
се кај вратата.

Букурешт, пет и пол
галеби ослободени од тежина
сонце кое срамежливо се соблекува

Букурешт, натрупан и прекрасен
бесрамно шарен, со намирисан бетон

Букурешт, седум и пол
последните леи пред првиот лет вечерва
точам ирско и од торбата.
резервите ни се при крај:
треба да смислиме чесно повлекување

Букурешт, доцна попладне
ме испраќа со невреме –
сношти седев на една тераса
и ги гледав галебите
како го осветлуваат небото:
бели ленти ослободени од смисла

сега имам повеќе ирско од вода
и ни ебана банка
треба да смислиме достоинствено отстапување

Букурешт доцна попладне
ме шета низ лавиринтите на Елијаде
премногу книжевност во еден ден

полека се повлекувам
ја напуштам сцената со благ наклон –
уште еден град во кој ќе се вратам

Букурешт во самрак
Букурешт во јуни
Букурешт во длабоки деколтеа
Букурешт со мали цврсти гради
Букурешт со лососи во ветрот гонети од бели галеби

22.06.2009 19:35,
Букурешт


Ова е извадок од:
еКнига
Печатена книга




Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+