Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 09 | година II | јуни-јули, 1999



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 09јуни-јули, 1999
Поезија

Вториот источен грев

/6
стр. 2
Петар Т. Бошковски

Вториот источен грев
Парадигмата на Рубљов
Автопортрет
Залудноста на Вергилиј
Мотивот на Шехерезада
Социјалистички реализам

_______________________________________________________________________

Парадигмата на Рубљов
По филмот на А.Тарковски

Во време на крвав раскол
надушкан и вклештен од стрвнички наезди,
ни големиот руски фрескосликар
и чистотен калуѓер Андреј Рубљов
не ќе издржи со скрстени раце пред безумјето:
го убива насилникот
на својата малоумна штитеница.
Поради тоа ги остава четката и боите,
ѝ се оддава на немотијата на исихазмот
за да биде само со Господ.
Не се откажува од своето молчење
ни тогаш кога треба да проработи
нагонот за самоодржување –
во мигот кога треба да ја предупреди на грешката
замавнатата секира по него
од која, сетики по божја волја,
го спасуваат други.
Но доаѓа оној настан
со свеченото пуштање на камбаната
кога ја дознава вистината на подвигот
на нејзиниот самоук момчак ливец.
Дури тогаш
како златен лач низ облаци
излегува зрелиот глас
на неговиот внатрешен човек
кој ветува дека ќе продолжи да слика.
Ете еден темелен доказ
дека уметноста е посилна од смртта.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+