Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 86 | година XV | септември-октомври, 2012



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 86септември-октомври, 2012
Поезија

Мотоцикл паркиран под ѕвездите

Препев од романски: Лидија Димковска


/4
стр. 1
Мирча Картареску

Ништо за техниката за преживување
Љубовта си отиде…
Мотоцикл паркиран под ѕвездите
Ох, Натали…

_______________________________________________________________________

Ништо за техниката за преживување

покрај тебе соѕвездијата се парталки,
градските светилки се глупава шега,
околу тебе воздушните струи
кружат како консигнациски продавници,
си шмукаат птици и меѓу забите си кршат
семки од билки, ширејќи реа на несреќа и на птичји измет
кон новите вулкански земји од меланезија.
твојата женственост ги бои со дементната боја на кризите на pavor nocturnus
моите сеќавања со тебе во паркот градина на иконата, кога индискретно
се пудреше во конвексното огледало на еден сетер или на англиканската црква,
а нашата љубов му додаваше сантиметар на регионалниот рекорд…
праведничке, нежна конфедерацијо од системи и апарати
кој би се коцкал со додатокот од созреаност
на твојата розова и кривулеста хиерархија
и кој да го претчувствува твоето слатко лицемерие
порабено со пивници и со кадифен бројгел
во купот ничиј, од ништо, од никаде, од никогаш?

а инаку, само рамнодушна морална убавина,
брилијантно пропаѓање
и реалност од дискусии и брборења над кристалните шолјички
кај негоју,
a инаку, оваа опскурна прослава на еден единствен преживеан
на прекуокеанскиот брод од чувства.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+