Блесок бр. 13, февруари-март, 2000 Поезија

Сведочење на убавината

Од англискиот превод на Вивијан Идн, превел Игор Исаковски

/7 стр. 1

Рони Сомек

Сведочење на убавината
Нејзината песна
Одмаздата на пелтечавото дете
Знак од касај
Црвениот каталог на зборот зајдисонце
Жито
Сладолед

_______________________________________________________________________

Сведочење на убавината

Најубавата девојка на светот имаше обичај со прстот да го забрише
правот од етикетата на шишето во продавницата за вино во Бордо.
Лепезата на ова движење ја проучуваат во археолошките школи
кога очите ширум се отвораат за да ја откријат годината на Создавањето.
Во шишето сите траги на дланката што го гмечи грозјето
исчезнале и од грозјето мирисот
на сенчестите покриви од лозовиот лист се заборавени. Во лисјата
носталгијата ги сопрела ветерните мелници во зрната песок, и песокот
веќе не ги покрива корењата што лазеле низ земјата како змии
што ја менувале кожата секоја сезона.
А девојката? Девет месеци, според движењата на четката по нејзиното тело,
девет месеци Леонардо да Винчи седел меѓу
нозете на мајка ѝ и ја
сликал.

Ова е извадок од:
• еКнига
• Печатена книга

Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!