Блесок бр. 21, јуни-јули, 2001 Поезија

Зеницата ми се шири…

/5 стр. 1

Ивица Антески

Зеницата ми се шири
Коњанику мраку
Ги отфрлам
… Прометеј …
Програмските шеми на моите бранувања

_______________________________________________________________________

Зеницата ми се шири

Зеницата ми се шири за да ја
прифати сета светлина за да ја
прифати улицата со сите
луѓе со сите знаци тротоари
зницата ми се отвора и станува
голем темен отвор во кој пропаѓаат
прозорците со заробените делови
од собите во нив се заробени
и сите портети на жени сите
луѓе од истата улица мојата
зеница се отвора се шири се
зголемува до огромни величини
станува црна дупка во која
пропаѓаат сонцето и месечината
и сите други планети особено
земјата особено
земјата

Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!