Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 30 | година VI | јануари-февруари, 2003



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 30јануари-февруари, 2003
Поезија

Ќе се збрчкаш, егзотично овошје ќе станеш

Препев од романски: Лидија Димковска


/7
стр. 1
Даниел Банулеску

Убаво пееше, но животот не си го промени
Декамерон
Епилог
Ќе се збрчкаш, егзотично овошје ќе станеш
Природонаучниот музеј „Антипа“
„Непријател на народот“ – Љубовник на татковината!

_______________________________________________________________________

Убаво пееше, но животот не си го промени

Сите се изнасмеаја и си отидоа
Како божем нашиот кус живот да беше ставен овде за смеа!
И едните со своите издолжени и забести муцки
И другите само со своите издолжени забести муцки
Се изнасмеаја Се изнаикаа и Си заминаа

А ние стоевме и прскавме крв на сите страни
А ние лежевме струполени врз самите себе
како божем легнати врз летечки килимчиња
Кутнати испружени мртви и исушени
               како хартија за фаќање муви
Како трамбулина што повеќе не ја разбираш
Ја печалиш ја тресеш со тупаница ја кршиш
И ништо
И туку одеднаш ќе отскокне од неа онаа будалеста песна
За овчарчето и за јагнето
што тажно пее како фатило реума – тра-ла-ла-
Во никој случај деновиве не поминувајте кај него дома

Убаво пееше ама животот не си го промени ни за влакно
Плачеше се бореше скокаше
и навистина убаво пееше бре пејачу
Ама животот никако да ти стане нешто друго
Одвај се довлечка до тоалетот и изблу сè
Публиката аплаудираше и ти ја хранеше суетата
А сепак ништо од сето тоа

Убаво пееше а ние се чувствуваме надмено
Особено кога лудилото ти ја зграпчи главата
ти ја стегна меѓу рацете и почна да ти ги лиже усните
Такво нешто одамна не бевме виделе
А ти се исправи и најспокојно рече:
„Мајко мила, ми се згади животот“

Ние си се вративме дома
јадевме ждригавме и си се тешевме:
„Што, па дури ни тој не успеа да си го промени животот“.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+