Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 32 | година VI | мај-јуни, 2003



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 32мај-јуни, 2003
Звук Осврти

Интервју со Џони Винтер

/1
стр. 1
Васја Ивановски

ВИ: Се сеќаваш ли на твоите музички почетоци и како се случи тоа?
    ЏВ:
Почнав да свирам укулеле првите две години, од девет до единаесет години, потоа ја добив првата гитара и бев инспириран од блузот што го слушав на радио. Тоа беше предизвик и почнав да вежбам сам. Кога станав доволно возрасен, почнав да одам во клубовите да ја слушам таа музика. Тогаш имав петнаесет години.
    
    ВИ:
Имаше ли некаква музичка традиција кај вас дома?
    ЏВ:
Татко ми свиреше бенџо, саксофон, и пееше. Мајка ми свиреше пијано, така што секогаш имавме музика во домот.
    
    ВИ:
Покрај Едгар, дали имаш уште браќа и сестри и ако е така, дали само ти и тој се занимававте со музика?
    ЏВ:
Немам други браќа и сестри, само Едгар и јас сме.
    
    ВИ:
Кога ти стана јасно дека музиката ќе биде твојата животна определба?
    ЏВ:
Секогаш сакав да свирам музика и таа да биде моја кариера, а тоа го знаев кога имав дванаесет години.
    
    ВИ:
Колку што знам, твоите први снимки се повеќе во рок манир отколку блуз, точно?
    ЏВ:
Да, точно е тоа.
    
    ВИ:
Ти успеа да ги доближиш до публиката старите блуз мајстори свирејќи ја нивната музика, дали беше свесен за тоа тогаш?
    ЏВ:
Тоа беше моја намера и бев свесен за она што се случува.
    
    ВИ:
Дали ја паметиш твојата прва група?
    ЏВ:
Да, тоа беше групата Џони Енд Д Џејмерс во 1959.
    
    ВИ:
Кои беа твои први музички влијанија во музиката?
    ЏВ:
Ги имаше многу, ја купував секоја блуз плоча што можев да ја начекам. Мои вокални влијанија беа Реј Чарлс и Боби Блу Бленд.
    
    ВИ:
Кој влијаеше врз твојот гитариски стил и зошто?
    ЏВ:
Тибоун Вокер се издвојуваше од другите и ме повлече.
    
    ВИ:
Според тебе, какви е состојбата на блуз сцената и што може да се очекува во иднина?
    ЏВ:
Мислам дека блузот секогаш ќе постои, потребно е само човекот другите да ги увери во постоењето на блузот.
    
    ВИ:
Ти настапуваше низ целиот свет; како љубителите на блузот во различни делови од планетата реагираат на твоја музика?
    ЏВ:
Ми се чини дека на сите им се допаѓа.

ВИ: Имаше прилика да работиш со многу познати блузери, можеш ли да посочиш некое интересно искуство?
    ЏВ:
Работата со Мади Вотерс навистина ме истошти, но тоа отсекогаш сакав да го направам. Тоа е мое лично достигнување на кое сум многу горд.
    
    ВИ:
Какви се идните планови, нови снимки наскоро?
    ЏВ:
Наскоро  имам нов албум за Вирџин Рекордс, а планирам да продолжам со концерти.
    
    ВИ:
Твоите фанови во Македонија би сакале да те видат на нашиот блуз фестивал, дали би сакал да дојдеш и да настапиш?
    ЏВ:
Секако, верувам дека тоа ќе се случи еден ден.
    
    ВИ:
Конечно, за крај, некоја порака до нашите блуз фанови?
    ЏВ:
Уживајте во блузот, слушајте мои плочи и одржувајте го блузот во живот!


    звучен запис






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+