Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 36 | година VII | мај-јуни, 2004



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 36мај-јуни, 2004
Поезија

Сонот на делфинот

/8
стр. 1
Бобан Богатиновски

Светлата точка
Случајни разговори
Не заборавај
Последната слабост
Чекајќи го ветрот
Сонот на делфинот
Збор
Спокојно

_______________________________________________________________________

Светлата точка
на твоето чело

спиј сонот го згаснува болот
мигот е кошмар што трае
бавно убивање на мислата
болно заборавање на заборавеното

        денот е големо искушение

        рече стариот продавач на весници
      
        улиците се бескрајни
        рече стариот уличен метач

        нашите души се празни сандачиња

        рече стариот поштар

       немам ништо за откуп на душата
        рече стариот уличен питач

спиј не гледај не огледувај се
грдото гризе убавото убива
ниедно огледало не е икона
ништо не е ново и неповторливо
      
        не ова не е театар
        туку повторна и неизбежна казна
        невидлива стапица
        пред оградата на рајот

        рече стариот поднапиен артист

        време е да го побараме
        нашето ново живеалиште

        рекоа старите заборавени зборови

спиј и она што допрва ќе дојде
одамна одминато е веќе
кога си буден згаснува и
светлата точка на твоето чело

                (1994)






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+