Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 37 | година VII | јули-август, 2004



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 37јули-август, 2004
Поезија

Како мирисаат книгите

препев од црногорски: Игор Исаковски


/9
стр. 1
Павле Горановиќ

На меѓународната линија Минхен – Солун
Пишување
Огледалото на бродоломникот
Оправдание
Инфинитиви
Молчење
За заборавот
Загубени ракописи
Како мирисаат книгите

_______________________________________________________________________

На меѓународната линија Минхен – Солун

Во валканиот воз,
на меѓународната линија Минхен – Солун,
се обидувам да го читам Човек без својства од Роберт Музил.
А тоа е, се уверувам, на вакви места речиси неможно.
Посегнувам по банални замени:
да се продолжи читањето е неспоредливо потешко
отколку да се пронајде дремлива битанга
во секое купе, исто и во првата и во втората класа,
на сите железнички линии.

Интересно, меѓународниот воз
често застанува и на локални станици:
барам невидливи симболи во тоа непочитување на возниот ред.

Сфаќам дека е подобро да се откажам од читањето.
Затоа молчам и гледам
прво во ноќните пејзажи на Славонија,
па во огледалото спроти мене –
ги гледам своите две неголеми торби,
наизглед не толку тежок товар.
Но ми се чини невозможно да се ослободам од него.

Како што одминува возот
и како се приближува денот
мислам дека е сеедно
на која станица ќе излезам
и чиј товар ќе го понесам.


Ова е извадок од:
еКнига
Печатена книга




Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+