Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 39 | година VII | ноември-декември, 2004



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 39ноември-декември, 2004
Поезија

Како те љубев

(од книгата „Житие на нашата љубов“)


/7
стр. 1
Елизабета Баковска

Како те љубам
Каде се наоѓаме
Како разговараме
Каде припаѓаме
Кои се нашите заблуди
Од што се плашиме
Зошто ти се лутам

_______________________________________________________________________

Како те љубам

1.
Со благост те љубам
тогаш кога правиш сè
за да ми се одмилиш.
И пак нашата шарада
од глума, молк, празни зборови,
недокажани мисли, мимика,
и фатализам
впловува во своето
единствено можно пристаниште.
Со горчина те љубам,
тогаш кога ми се отвораш,
гол и ранлив,
срцето ти го стегам во дланкава.
И пак прелетуваме над сите
стијни предели
на нашиот единствен можен дом.
Со страст те љубам,
тогаш кога раката ми мрзне
од твојот студ.
Ти само така изгледаш
недостапен за мојата
променлива љубов
додека со крупни голтки
ја тркалаш во грлото.

2.
Те љубам исто,
како застоена вода
времето, далечината,
не ја поместува
мојата љубов.
Твојот глас, пренесен од илузијата
на модерната техника
со еден збор ги прескокнува
лесно препреките што чинам
вештачки се таму.
Не ме плашат времето,
далечината,
новите жени,
јас пак те љубам исто.
И пак тоа е различна љубов,
таа жива е, старее и зрее,
те бара и те ослободува
те очекува да ја побараш
еден ден кога ќе сфатиш
дека таа е твојот дом.


Ова е извадок од:
еКнига




Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+