Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 39 | година VII | ноември-декември, 2004



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 39ноември-декември, 2004
Поезија

Совет за добра љубов

Препев од англиски: Виктор Шиков


/8
стр. 1
Јехуда Амихај

Човек во својот живот
Станувам многу влакнест
Знам еден човек
Еин Јахав
Засадено паркче
Бог има милост за деца од градинка
Совет за добра љубов
Да заборавиш некого

_______________________________________________________________________

Човек во својот живот

Човек нема време во својот живот
да има време за сè.
Нема доволно сезони за да има
сезона за секоја цел. Свештениците
грешеа во врска со тоа.

Човек треба да љуби и да мрази во ист миг,
да се смее и да плаче со истите очи,
со истите раце да фрла камење и да ги збира,
да љуби во војна и да војува во љубов.
И да мрази и да простува и да памети и да заборава,
да реди и да прередува, да јаде и да вари
сето тоа за што на историјата
ѝ требаат години и години да го стори.

Човек нема време.
Кога губи бара, кога наоѓа
заборава, кога заборава љуби, кога љуби
почнува да заборава.

И душата му е времешна, душата му е
мошне стручна.
Само телото засекогаш му останува
аматер. Се труди и губи,
се запушта, не научува ништо,
пијано и слепо во неговите ќефови
и болки.

Ќе умре тој како смоквата што умира на есен,
Папушлав и полн со себе и сладок,
на земја лисјето му расте суво,
гранките голи го покажуваат местото
каде што има време за сè.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+