Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 47 | година IX | март-април, 2006



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 47март-април, 2006
Поезија

Дали си за еден лифтинг

/9
стр. 1
Јовица Ивановски

Жената совозач
Дали си за еден лифтинг
Десет години пред
Луѓето кои постојано лелекаат
Ма пишувам јас на сè
Маглата не се гледа од сонцето
Сеедно – јас сите ги поздравувам
Три трудници на тулум
Учиме да јадеме

_______________________________________________________________________

Жената совозач

Жената совозач
располага со половина од шофершајбната
и со огледалцето во спуштениот сонцобран

Жената совозач
не престанува да зборува – но истото го
прави и дома – во улога на животен соптаник

Жената совозач
најчесто нема ни возачка дозвола – но тоа не
ѝ го ускратува правото да се однесува како инструктор

Жената совозач
(всушност) треба кон мажот возач да ја има
почитта што стјуадесата ја има кон главниот пилот

Жената совозач
не е лошо да има мини здолниште
и убави голи колена веднаш до рачната сопирачка

Жената совозач
може и да ти се најде – доколку ти се дупне гума
или ако ти рикне колата па нема кој да ја турка

Жената совозач
може да има совршен профил
со ѓубришта на нивите во рамката на прозорецот

Жената совозач
е најубава кога спие – а ти почнуваш да
уживаш во возењето и правиш сè што треба

само да не ја разбудиш

                13.01.2006






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+