Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 49 | година IX | јули-август, 2006



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 49јули-август, 2006
Поезија

Две песни

Од „Избрани песни“ © СВП 2006


/2
стр. 1
Петар Т. Бошковски

Ѕид
Небесен камен

_______________________________________________________________________

Ѕид

Престарел ѕидот на дедо ми
и паднал ничкум.
Му треба здрава рака напомош.

Го разголувам темелот и пуштам конец
да му ја вратам стројноста што си ја имал.
Се врткам, се бавам, се мислам
како да почнам, како да му го најдам крајот.

Ме гледал дедо ми не еднаш вака –
зелен а вплеткан со зрела работа –
и не можејќи да додржи
фаќал тој место мене,
покажувајќи, почнатото да го заврши.

Чукам на каменот, го лушпам, клепам,
лице да отвори, да легне здраво.
Но на гости помисла шутрикава ми иде:
би сакал звуков пак да го свика!
Ме тера таа на фат детински,
на ред опачки, на чук ќорлемечки
и – јале! в срце ме клукнува право.

Навира црвена магла
во ноктот што сум го здрелнал
и гледам – што?! Таму се јавува дедото мој
но веќе многу смален:
тој ама и како не тој.

„Ти си му скоро врсник
на оној што уште го бараш,
гледај да не го прерипнеш сосем
своето можење така!“

Рече и в модра магла го снема.

А јас пак, ветрот да не ме земе,
небаре двајца во еден
брзајќи грабам, вјасајќи клавам
камен врз камен
за да го заѕидам
празното време.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+