Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 05 | година I | октомври-ноември, 1998



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 05октомври-ноември, 1998
Театар Осврти

Вазна од порцелан

/1
стр. 1
Билјана Гарванлиева

мелодрама,
    НТ „Ј.Х.Џинот“ – Велес
    автор: Југослав Петровски
    режија: Благојче Божиновски


    По двете реалистички и недраматични поставки на овој драмски текст од англискиот режисер Џорџ Роман во Екситер (Англија) и во Драмскиот театар во Скопје, Благојче Божиновски дава
    свое симболистичко и мелодраматично видување.
    Но, моралноста и лиризмот на режисерскиот концепт недраматично се протријуваат со аморалниот и апокалиптичен драмски свет на Југослав Петровски. Затоа, авторовиот високо-октански контекст на војната изгледа како серија омлитавени наркомански халуцинации. Авторовата безизлезна бекетовска ситуација на вкочанетост и братоубиство, делува како мелодраматично господово пришествие и спасение.
    Актерите Маријан Чакмакоски и Младен Крстевски играа идејно млитаво и комотно, не отстапувајќи од својот изабен актерски шаблон.
    Тие како да не знаеја кои се, каде се и што сакаат. За разлика од нив, талентираниот Зоран Љутков, со постојаниот ужас на лицето и филтрирање на негативните емоции на ликот, промислено го создаде трагикомичниот однос на илузиите на бившиот актер и лудилото на рутинираниот војник.
    Сценографијата на Зоран Николовски со руинирана и сива архитектоника визуализираше котел, пекол, кремарница и театар. И покрај пренатрупаноста, таа најдраматично функционираше на сцената.
    Би се рекло дека најголемиот проблем на претставата е кога еден режисер се труди да се занимава со модернизмот во театарот – којшто недоволно го разбира.

извадок од драмскиот текст






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+